Tejonidhi lohagol | तेजोनीधी लोहगोल

।। तेजोनीधी लोहगोल ।।

तेजोनीधी लोहगोल, भास्कर हे गगनराज

दिव्य तुझ्या तेजाने झगमगले भुवन आज

हे दिनमनी व्योमराज, भास्कर हे गगनराज

कोटी कोटी किरणे तुझे अनलशरा उधळती

अमृत कण परी होउन अणुरेणु उजळिती

तेजातच जनन मरण, तेजातच नविन साज

हे दिनमनी व्योमराज, भास्कर हे गगनराज

ज्योतिर्मय मुर्ती तुझी, ग्रहमंडळ दिव्यसभा

दाहक परी संजीवक तरूणारुण किरणप्रभा

होवो जिवन विकास, वसुधेची राख लाज

हे दिनमनी व्योमराज, भास्कर हे गगनराज

। गीतकार : पुरूषोत्तम दार्वेकर ।

। गायक : पं. वसंतराव देशपांडे।

। संगीतकार : पं. जितेंद्र अभिषेकी ।

। चित्रपट : कट्यार काळजात घुसली (२०१५) ।