।। आला रे आला, आला आला फेरीवाला ।।
आला रे आला, आला आला फेरीवाला
भवती बालगोपालांचा मेळा जमला
फेरीवाल्या, फेरीवाल्या गाडीत काय?
तुझ्या गाडीत काय?
तुझ्या गाडीत खेळणी काय काय ?
सांगू?
हो हो सांग .. सांग ..
लाकडाचा काऊ आहे, रबराची माऊ आहे
मातीचा आऊ आहे, प्लास्टिक ची चिऊ आहे
राणी आहे , राजा आहे, फु फु वाजे बाज आहे
चेंडू आहे, शिट्टी आहे, दांडू आहे, विट्टी आहे
देऊ तुम्हाला काय यातले लौकर आता बोला ?
नकोनको रे फेरीवाल्या अशी खेळणी आम्हाला
आला रे आला आला आला फेरीवाला
फेरीवाल्या फेरीवाला आणखीन काय ?
तुझ्या गाडीत काय ?
तुझ्या गाडीत आणखीन काय ?
सांगू ?
हो हो सांग .. सांग ..
मगर आहे, सुसर आहे , हरीण, वाघ,डुक्कर आहे
प्राणी आहे , पक्षी आहे, फुलवेलींची नक्षी आहे
गाडी आहे, घडा आहे,नवरा नवरी जोड आहे
रेल्वे,मोटार, ट्राम आहे, इलेक्टरीचा खांब आहे
शहाजान चा ताज आहे ,संसाराचा साज आहे
देऊ तुम्हाला काय यातले लौकर आता बोला ?
नको नको रे फेरीवाल्या, अशी खेळणी आम्हाला
आला रे आला,आला आला फेरीवाला
फेरीवाल्या फेरीवाला आणखीन काय ?
तुझ्या गाडीत काय ?
तुझ्या गाडीत आणखीन काय ?
सांगू ?
हो हो सांग .. सांग ..
हाती धरूनिया तलवार, झाला घोड्यावरती स्वार
ज्याचे देशप्रेम अनिवार, ज्याचा राष्ट्राला आधार
नच गेला कोना हार, जो स्वप्न करी साकार
त्या शिवबाची मूर्ती माझ्यापाशी.. सांग, काय तुम्ही घेनार ?
आम्ही मूर्ती तुझ्या घेणार, आम्ही मूर्ती तुझ्या घेणार
शिवरायाला रोज स्मरोनी आम्ही देखील देशभक्त होणार
तुमची आवड पाहून बालकांनो मज हर्ष मणी झाला
एक एक दे शिवरायांची मूर्ती आम्हा सर्वाला
आला रे आला आला आला फेरीवाला
। गीतकार : शरद मुठे ।
। संगीतकार : शरद मुठे ।
। गायक : शरद मुठे ।
। गीतप्रकार : बालगीत, स्फूर्तिगीत ।
0 Comments