Kay samna karu tuzyashi lyrics | काय सामना करू तुझ्याशी

 ।। काय सामना करू तुझ्याशी ।।  

काय सामना करू तुझ्याशी नारिजात तू दुबळी ग 

हुकूमी पाळिता पुरुषजातीचा सरे जिंदगी सगळी ग 

बाळपणी तुज धाक पित्याचा तरुणपणी तुला हवा पती 

वृद्धपणी तव पुत्राहाती स्वतंत्र बुद्धी तुला किती ?

अरे नको वाढवणं सांगू शाहीरा पुरुषजातीचे फुकाफुकी 

स्त्रीजातीच्या अकलेपुढती तुझी बढाई पडलं फिकी 

सावित्रीच्या चतुरपणाने यमधर्माला  दिला धडा 

असेल ठावी कथा जरी ती, बोल मज पुढे धडाधडा !

आग तूच सांग ग, कोणासाठी सावित्री  ते दिव्य करी 

सावित्रीची कथा सांगते पुरुशप्रीतिची मातब्बरी !

पतीवाचूनि कसे जगावे हाच जियेला प्रश्न पडे 

इथेच ठरला पुरुष श्रेष्ठ गे चतुर सारीक बोल पुढे !

पुरुषावाचुनी जन्मे नरी या पृथ्वीचा कोण पती ?

पित्यावाचुनी जन्मा आली काय थांबली तिची गती ?

अग अज्ञानाने नकोस बोलू आभाळाची सूट धरा 

गती कशाची, सुर्यभावती फिरे नार ती गरागरा !

पुरुषासाठी नार जन्मते, पुरुषासाठी जन्म तिचा 

वृक्षवाचुनी जन्म पांगळा फुलवणाऱ्या वेलीचा !

अरे सांग शाहीरा, नारीवाचून पुरुषही झाला कधी पुरा ?

पूर्ण शास्त्री धुंडून पाही, धुंद गगन कि वसुंधरा 

तार्यामजी शुक्र नांदतो, वाऱ्यापाठी उभी हवा 

पृथ्वीभवती चन्द्र फिरतसे वेष घेऊनि नवा नवा !

हवा कशाला कलह सांग हा अपसातला खुल्यापरी 

हरजितीचा हौसच खोटी, तुझी नि माझी बरोबरी 

। गीतकार : ग. दि. माडगूळकर ।

। संगीतकार : वसंत पवार ।

 । गायक : आशा भोसले, शाहीर अमर शेख ।

। चित्रपट : वैजयंता ।